ಚಿತ್ರದುರ್ಗ ಜಿಲ್ಲೆ, ಶೌರ್ಯ, ತ್ಯಾಗ, ವೀರ ಹೋರಾಟಗಳ ಪ್ರತೀಕ. ಸಂಪ್ರದಾಯವನ್ನು ಮೆರೆದ ಸುಕ್ಷೇತ್ರ. ಗಂಡು ಮೆಟ್ಟಿದ, ವೀರ ನಾರಿಯ ನಾಡು. ಮಠ ಮಾನ್ಯಗಳು. ಪವಾಡ ಪುರುಷರು, ಸಿದ್ದರು ನೆಲೆಸಿದ ಬೀಡು. ಮದಕರಿ ನಾಯಕರಾಳಿದ ಸಿಡಿಲಿಗು ಬೆಚ್ಚದ ಉಕ್ಕಿನ ಏಳುಸುತ್ತಿನಕೋಟೆ ಇರುವ ಸ್ಥಳ. ಪ್ರಾಚೀನ, ಐತಿಹಾಸಿಕ, ಧಾರ್ಮಿಕ, ಪ್ರಾಶಸ್ತ್ಯದ ಸ್ಥಳಗಳಿಂದ ತುಂಬಿರುವ ಚಿತ್ರದುರ್ಗ ಜಿಲ್ಲೆ ಸಾವಿರಾರು ವರ್ಷಗಳ ನಾಗರೀಕತೆಗಳ ತವರು .ಪ್ರಾಚೀನತೆ, ಆಧುನಿಕತೆಗಳ ಸಮ್ಮಿಲನ ಹೊಂದಿರುವ ಸುಂದರ ಪ್ರದೇಶ.
