ಜಡೆ ಹುಡುಗಿ..

ಸಂಜೆ ಜಾತ್ರೆಯಲಿ ನಾ ಹೋಗುತ್ತಿದ್ದೆ
ಗೆಳೆಯನ ಹುಡುಕಿ.
ಹಗ್ಗ ದಾಟುವಾಗ ಬಿದ್ದಳು
ನನ್ನ ಮೇಲೆ ಒಂಟಿ ಜಡೆಯ ಹುಡುಗಿ.
ದಾಟಿ ಮುಂದೆ ನಡೆದೆ ನಡೆದೆ
ಒಂದು ಕ್ಷಣ ತಿರುಗಿ ನೋಡಿದೆ.
ಆಕೆಯನ್ನು ನಾ ನೋಡಿರಲಿಲ್ಲ
ಯಾರೆಂದು ತಿಳಿಯಲಿಲ್ಲ
ಮುಖ ಕಾಣದಿದ್ದರೂ
ಒಂಟಿ ಜಡೆ ಮಾತ್ರ ಕಾಣಿಸಿತು.
ಜನ ಜಾತ್ರೆಯಲ್ಲಿ
ರಾಶಿ ರಾಶಿ ಹುಡುಗಿಯರ ತರಲೆ
ಅಷ್ಟೂ ಜನರಲ್ಲಿ ನನಗೆ
ಕಾಣಿಸುತ್ತಿದ್ದವಳು ನೀನೊಬ್ಬಳೇ
ದುರ್ಗದ ಜಾತ್ರೆಯಲಿ ಮತ್ತೆ ನೀ ಕಾಣಿಸಲೇ ಇಲ್ಲ.
ತುಂಬಿದ ತೇರಿನಲಿ ದೇವರೇ ಕಾಣಿಸುತ್ತಿಲ್ಲ.
ನಿನ್ನನೇ ಹುಡುಕುತಿಹದು ನನ್ನ ಉಸಿರೆಲ್ಲಾ.
ಥಟ್ ಅಂತ ಮಾಯವಾದಳು ಹುಡುಗಿ
ಮನೆಗೆ ಬಂದು ಉಸ್ಸಪ್ಪಾ ಎನ್ನುವುದರಲ್ಲಿ
ಲಂಗಾ ಧಾವಣಿ ತೊಟ್ಟು
ಕಣ್ ಮುಂದೆ ಕಂಡಳು ಬೆಡಗಿ.
ಆಕೆ ಬೇರಾರು ಅಲ್ಲ ಪಕ್ಕದ ಮನೆಯ ಮಗಳು.
ಅಂಗನವಾಡಿಯಲಿ ನನ್ನ ಕೆನ್ನೆಗೆ ಮುತ್ತಿಕ್ಕಿದ್ದಳು.
ಈಗ ಮತ್ತೆ ಕಾಡತೊಡಗಿಹಳು.
ನೀ ನನ್ನ ಪ್ರೀತಿಸುತ್ತೀಯಾ ಅಂತ ಕೇಳೋದಿಲ್ಲ.
ಆದರೇ ಬದುಕಿರುವವರೆಗೂ
ನಿನ್ನ ಒಂಟಿ ಜಡೆ ಮರೆಯೋದಿಲ್ಲ.

                             - ಮಾಲತೇಶ್ ಅರಸ್ ಚಿತ್ರದುರ್ಗ. 9480472030